Georgia

No. of :

No. of Shares:

Currently viewed by: Marcus Rosit

3 classroom buildings, gi-turnover sa Dulag Elementary School

DAKBAYAN SA BUTUAN -- Pormal nang giturn over kagahapon ang tolo ka classroom school building sa Dulag Elementary School nga gipangunahan nila Mayor Ronnie Vicente Lagnada ug Department of the Interior and Local Government Undersecretary Marlo Iringan.

Personal nga gitunol ni Mayor Lagnada ang yawe kang Dulag Elementary School head, Joseph Calizo uban ni Dulag Punong Barangay Darling Amoy kauban si  Usec. Iringan ug gisaksihan sa mga kadagkuan sa Department of Education sa pagpanguna ni School Division Superintendent,  Dr. Minerva Albis, Atty. William Dela Cruz isip representante ni Kongresista Jose S. Aquino II, City DILG Charissa Guerta, ug 23rd IB Philippine Army Battalion Commander, LtCol.Jeffrey Balingao.

Nagpasalamat si  Iringan sa mga opisyales sa barangay nga maoy nagpadayag sa nag-unang gikinahanglan sa barangay aron mao kini  natutukan ug punduhan sa gobyerno pinaagi usab sa suporta sa mga lokal nga panggamhanan.

Samtang nagpasalamat usab si Mayor Lagnada kang  Iringan nga miuban ug mibisita sa Barangay Dulag aron makita ang dakung kausaban sa mga barangay nga gihatagag igong pagtagad pinaagi sa gipadagayday nga pondo alang sa dugang pagpalambu sa inprastraktura.

Mipaabot usab sa dakong pasalamat si Superintendent Albis kang Lagnada, DILG ug sa tanang nagpaluyo nga matuman nga madugangan ang school buildings asa dakong tabang sa mga kabataan nga anaa lamang  nagklase sa ilawom sa kahoy ug anaa sa mga covered court. 

Mipaabot si Principal Calizo sa iyang dakung pagdayeg ug pasalamat sa mayor ug kang ug sa opisyal sa DILG sa gihatag nga bag-ong school building uban sa panghinaut ug naghangyo nga madugangan pa kini aron wala nay magklase gawas sa classroom tungod usab sa nagkataas nga ihap sa enrollees.

Ang proyekto gipunduhan sa DILG pinaagi sa National Task Force to End Local Communist Armed Conflict (NTF-ELCAC) nga gipatuman sa City Engineers Office pinaagi sa Local Government Support Fund (LGSF) ilalom sa Barangay Development Program nga uyon sa direktiba sa mayor sa syudad sa Butian.  

Gawas sa school building hapit na usab maturn-over sa barangay Dulag ang bag-uhay lang nahuman nga farm-to-market road ilawom usab sa NTF-ELCAC  asa unang makabenipisyo niini ang mga mag-uuma. (Butuan City PIO/PIA Agusan del Norte)

About the Author

Nora Lanuza

Approver

CARAGA

Feedback / Comment

Get in touch