Georgia

No. of :

No. of Shares:

Currently viewed by: Marcus Rosit

4 ambulansya, 7 Hilux pick-up nahidangat alang sa probinsya

Gidayeg ug gipasalamatan sa Kagamahanang Probinsyal sa liderato ni Governor Rosalina “Nanay Nene” Jalosjos ang Sangguniang Panlalawigan nga gi-aprobahan ang sulat-hangyo nga mga sakyanan ug ekwipo alang sa probinsya nga nadawat na karon sa Kagamhanang Probinsyal.

Kini ang gibutyag ni Acting Provincial Administrator Wilberth “Jojo” Magallanes atol sa gipahigayong Flag Raising Ceremony, Mayo 22 ning tuiga sa Capitol Grounds, Estaka dakbayan sa Dipolog.

Gipahimutang sa nataran sa kapitolyo ang upat ka ambulansya alang sa mga district hospitals ug sa ZaNorte Medical Center (ZNMC) samtang tulo ka Toyota Hilux pick up ang gigahin alang sa mga Board Members sa ikatulo nga distrito ug laing upat ka mga pick up usab alang sa mga department heads sa kapitolyo.

Matud pa sa administrador sa probinsya nga gilauman pa usab ang taliabot nga mga sakyanan nga gigahin alang sa mga nangulo sa mga buhatan sa kapitolyo.

Tumong sa administrasyong Jalosjos nga makalihok kon maka-trabaho sa madali nga panahon kung adunay mga saktong sakyanan ang matag opisina.

Matud pa ni Acting Provincial Administrator Magallanes nga mapasalamaton si Governor Nanay Nene ngadto sa Sangguniang Panlalawigan pinanguluhan ni Vice Governor Julius C. Napigquit nga gihatagan sa pagtagad ang mga panginahanglanon sa probinsya partikular na ang mga sakyanan ug ekwipo.

Gilauman nga adunay pito ka mga graders ang mahidangat karong semanaha nga dako kaayo ug ikatabang sa pagpadali sa mga proyekto sa ZaNorte.

Lakbit saysay ni Acting Provincial Administrator Jojo Magallanes nga taliwala sa mga gipang-donar sa nakalabay nga administrasyon nga mga ekwipo, gikataho nga ibalik sa probinsya tungod sa kadako sa mga maintenance niini nga dili makaya sa LGU, sama pananglit sa usa ka piyesa nga paliton nga mokantidad sa Php150,000-Php200,000.

Niini, dili makapaabot ang lalawigan kung kanus-a mabalik ang maong mga ekwipo tungod kay sumala pa hinay ang pagpatuman sa mga proyekto sa Provincial Engineering Office (PEO) hinungdan nga naningkamot na lamang ang administrasyong Jalosjos nga mahatagan sa pamaagi ang maong problema.

Subay niini, si Governor Nanay Nene Jalosjos nagahangyo usab sa tanang mga empleyado sa kapitolyo sa tiunay nga pagtinabangay ug bug-os nga kooperasyon aron makab-ot ang kalamboan sa probinsya alang sa mga ZaNortehanons.   (PIC-JOEUE SACOL-RAMIREZ, JEFFREY LACAY-Photographer)

About the Author

Emmanuel Taghoy

Regional Editor

Region 9

Emmanuel Dalman Taghoy is the Information Center Manager of the Zamboanga del Norte Information Center and Executive Assistant for Regional Operations of the Philippine Information Agency IX, the country’s chief information arm under the Office of the President. PIA’s expertise is development communication.

He is the Regional Editor of PIA-IX who also writes news and feature stories for the agency’s website and other social media platforms. He also reports for PTV news.

As the InfoCen Manager for Zamboanga del Norte, he represents PIA in inter-agency meetings and other activities, providing media coverage and other technical assistance to partner agencies.

Having been trained locally and abroad, he serves as lecturer on journalism, public and media relations, social media handling and promotion, among others.

Feedback / Comment

Get in touch