SYUDAD SANG ILOILO (PIA) — Ginmanduan ni Police Regional Office 6 (PRO-6) Director Police Brigadier General Jack L Wanky ang tanan nga mga unit commander sa rehiyon nga pat-uron ang maximum deployment sang mga kapulisan sa mga strategic nga lokasyon kag lugar nga ginatipunan sa sini nga holiday season.
Ini agud mapat-ud ang pagtapna sa pagluntad sang krimen kag ang seguridad kag kaluasan sang mga mall goers, travellers, commuters kag turista.
“This Yuletide Season, it is expected that there will be an influx of people and tourists in the different areas in the region. Thus, review your respective areas of responsibility as to the crime prone areas, crime clock, where traffic congestion mostly happens, among others, and take proactive actions on these,” pahayag ni Wanky sa tion sang command conference nga ginhiwat sang Nobyembre 29, 2024.
Ginhatagan man pagtamod ni Wanky ang kaimportante sang kolaborasyon sa nagkalain-lain nga tagsakdag sa ila mga pagpanikasog sa pagtapna sang krimen.
“We need to ensure the safety and security of our ‘kababayans’. In all our deployments and crime prevention endeavours, engage the different stakeholders such as the local government units, barangay officials, force multipliers and other government and non-government organizations.”
Suno pa kay Wanky sa pagtrabaho upod sa ila mapat-ud ang ining year-end celebration nga malinong, malipayon kag halandumon para sa tanan.
Ginpahanumdom man sini nga ang mga kapulisan ang dapat well-briefed bag-o ang aktwal nga deployment kag subong man pat-uron nga ang tanan nga mga crime prevention kag solution efforts ang monitored kag closely supervised.
Gintambungan ang command conference sang mga regional kag personal staff, hepe sang national support units, direktor sang mga talatapan sang pulis sa probinsya kag syudad, force commanders kag mga hepe sang pulis sa rehiyon (AAL/LAF/PIA6-Iloilo/PRO6-RPIO)
