SYUDAD SANG ILOILO (PIA) — May kabug-usan nga 160,000 nga mga tilapia fingerlings ang ginpanagtag sang Iloilo Provincial Agriculture Office sa mga kabanwahanan sang probinsya.
Nalakip sa mga local government units nga nakabaton amo ang Dueñas, Bingawan, Janiuay, Anilao, Passi City, Leon, New Lucena, Lambunao, Dumangas, Banate, kag Concepcion.
Suno sa gobyerno probinsyal, tinutuyo sang ini nga inisyatibo nga suportaran ang mga lokal nga aktibidad sa pagsagod sang isda, pag-improba sang seguridad sang pagkaon, kag pagpasanyog sang palangabuhian sang mga komonidad nga nagadepende sa aquaculture.
“The fingerlings provided will contribute to the sustainable production of tilapia, a key source of affordable protein for many households in the region,” pahayag sang gobyerno probinsyal sa isa ka press statement.
Dugang pa, padayon nga nagatrabaho sing suod ang Provincial Agriculture Office kaupod ang mga kabanwahanan agud ma-monitor kag masiguro ang pagpadako kag patubas sang mga fingerlings nga magabulig sa pag-uswag sang ekonomiya sa mga rural areas. (AAL/LMLE/PIA Iloilo)
