DUMAGUETE CITY, Negros Oriental (PIA) – Gi-awhag sa Philippine Statistics Authority (PSA) ang katawhan na mokooperar sa ipahigayong 2024 Census of Population (PopCen) ug Community-Based Monitoring System (CBMS) survey karon bulan.
Gi-anunsyo sa mga opisyal sa PSA na sugod sa ika-15 sa Hulyo sugdan na sa mga kawani sa ahensya ang pagbisita sa mga panimalay alang sa 2024 census ug CBMS.
Ang mga datos na makolekta gikan niining duha ka survey mahimong basehan sa paggama og “database” sa mga nanghinanglan og ayuda sa gobyerno ug mahimo sab kini basehan sa mga tigpanday og polisiya sa pagkaggamhanan labot sa mga programa ug serbisyo nga ihatod sa katawhan.
Matud ni PSA provincial director Engr. Ariel Fortuito sa miaging Kapihan sa PIA dinhi sa dakbayan, nga apil sa mga kolektahong datos sa mga PSA enumators ang mga impormasyon may labot sa demographic characteristics, health, food security, assistance from abroad, education, migration, economic characteristics, disaster preparedness, internet access, social protection programs, water sanitation and hygiene, formal financial account, public safety, public transportation, ug housing characteristics.
“Ako hangyo sa tanang tawo. Mag-conduct man ‘tag survey, tug-ani mi sa tinuod. Kay gusto man dagway ta na hapsay ang atong panggobyerno. Tabangi mi ninyo,” aghat ni Fortuito.
“The result of the CBMS maoy gamiton na evidence-based data to all government agencies aron makita nila unsa gyuy panghinanglanon sa atong sosyedad,” dugang pa niya.
Subay sa direktiba ni Presidente Ferdinand R. Marcos Jr. ang pagpahigayon og 2024 CENSUS ug CBMS karon tuiga aron mausa lamang ang pagkolekta sa mga kinahanglan datos sa gobyerno.
“PBBM ordered PSA to conduct census this year and at the same time, simultaneously (carry out) CBMS to determine updated list of beneficiaries for our social protection program,” matud ni PSA supervising statistical specialist Felida Generoso.
Mimandu si PBBM sa PSA paghimo og census n’ing tuiga ug idungan ang CBMS aron ilhon ang gipabag-o nga listahan sa mga benepisaryo sa mga programa sa kagamhanan ilabi na sa mga modawat sa ayuda alang sa katilingban.
“We will be able to update the inventory of our population and update the list of beneficiaries of government social protection programs thereby reducing pre-determined beneficiaries,” dugang pa niya.
Mamahimo na nato nga bag-ohon ang imbentaryo sa populasyon u gang bag-ong listahan sa mga benepisaryo sa mga programa sakagamhanan kalabut sa social protection, ug niini, makunhoran na ang mga matumbok nga mga angayan sa ayuda.
Apil sa mga bisitahon sa mga PSA enumerator ng mga subdivision, mga boarding hose, ospital, presohan, ug uban pang mga institutional shelters sa probinsiya.
Gihangyo sa PSA ang katawhan na hiktan ang ilang mga iro, pasudlon ang mga enumerator sa ilang balay, ug motubag og tarong sa ilang mga pangutana alang sa pagkuha og insaktong datos alang sa survey.
Ipahigayon ang 2024 PopCen-CBSM gikan ika-15 sa Hulyo hangtod ika-16 sa Setyembre.
Gisiguro sa PSA ang mga datos na makolekta sa ilahang mga enumerator magpabilin na pribado ug dili ibutyag sa lain ahensya o personalidad. (RAL/PIA7 Negros Oriental)
