SYUDAD SANG ILOILO (PIA) – Kapin 59 nga miyembro sang Association of Regional Information Officers in Western Visayas (ARIO-WV) Inc. kag mga nagatrabaho sa Philippine Information Agency (PIA) sa Western Visayas ang nakatuon sang basic concepts sang gender-fair kag gender-sensitive reporting, paagi sa isa ka lektyur nga gintiguluhan “Empower.”
Ginpakigbahin ni Lara Jeunesse Villaruel nga faculty member sang West Visayas State University ang mga pagsulundan tuhoy diri kaangay sang paggamit sang gender-neutral alternatives; paghalong sa paggamit sang pronouns kag pag-usar sang “they” kag “their”; paglikaw sang gender descriptors; paglikaw sang “cliches”; kag paghambal lamang sang may kaangtanan sa topiko.
“Information officers play a crucial role in gender mainstreaming by influencing perceptions, shaping narratives, and providing platforms for diverse voices. Our roles include advocacy, education, representation, scrutiny, and mobilization,” siling ni Villaruel.
Iya man ginhambal nga sa pihak nga ang media mahimo nga magsakdag sang gender equality, importante nga sila may ihibalo man nga sila may potensyal nga magpadugang sang stereotypes ukon ila mas palabyon ang komersyal nga interes baylo sa gender equality.
Ang ini nga aktibidad kabahin sang annual General Assembly sang ARIO-WV Inc., nga ginpatigayon sa Operations Room sang Department of Public Works and Highways (DPWH) – Western Visayas sa syudad sang Iloilo.
Magluwas sa gender and development (GAD) activity sa aga, may ginhatag man nga lektyur sa Media and Information Literacy (MIL): Dismissing Disinformation and Fact-Checking paagi kay PIA Capiz Government Information Center Coordinator Alex Lumaque.
Subong man, sanday Commission on Elections (Comelec) representatives Election Officer III Noredith Pagcaliwangan kag Election Officer II Ruel Fajarillo nagpatigayon sang Voter Education and Automated Counting Machine (ACM) Demonstration sa panghapon nga sesyon. (AAL/AGP/PIA 6)
