SYUDAD SANG ILOILO (PIA) — Ang gin-inagurar nga Research and Extension Hub sang Iloilo State University of Fisheries and Technology (ISUFST) ang nakatutok sa pagtuman sang handom sang unibersidad nga mangin isa ka “reservoir of research”.
Sa isa ka turn over rites, ginpahayag ni ISUFST president Dr. Nordy Siason Jr. nga ang P25-million nga balor sang research hub ang kabahin sang isa ka panan-awan sa pagtukod sang isa ka Fisheries Learning Complex kun sa diin napahamtang ang Paler Hall kag iban pa nga mga improvement sa pasilidad kasubong sang isa ka fish processing complex, isa ka 26-ektarya nga fishpond, brackish waters areas, madamo nga mga isda, pagproseso, kag paghanas, produksyon, kag mga laboratoryo sa pagpanalawsaw.
“We are building a university that is not just about academics but also about providing students with the best facilities to help them excel. This research and extension hub, along with our other ongoing infrastructure projects, is an essential part of our dream to make ISUFST a reservoir of research and extension,” sambit ni Siason.
Lakip man sa plano ang pagtukod sang P80-million Olympic-sized nga swimming pool kag sports complex kag P22.5-million nga state-of-the-art library.
Magluwas sa pagpauswag sang ikasarang sa pagpanalawsaw sang unibersidad, ang bag-o nga research hub suno kay ISUFST Research Director Dr. Jescel Bito-onon, maga-host sang madamo pa nga mga hilikuton nga nakatutok sa komunidad kag padayon nga magabulig sa sektor sang pagpangisda sa rehiyon. (AAL/LMLE/PIA Iloilo)
