LUNGSOD NG CALAPAN, Oriental Mindoro (PIA) — Naghahanda na ngayon si Joyce M. Restua ng Grace Mission College na siyang mapapasabak sa kategoryang Fashion Technology Competition sa darating na 13th World Skills ASEAN Competion sa Singapore sa darating na buwan ng Hulyo.
Ikinararangal ng Technical Education and Skills Development Authority (TESDA) Mimaropa si Restua at ang coach nito na si Charity M. Vista na pupunta sa Incheon South Korea para sa pagsasanay sa gaganaping Human Resource Development Service of Korea (HRDK) Capacity Building Program for Skills Competition bilang paghahanda sa nasabing kompetisyon.
Bago ang ASEAN Competition ay napagwagian ni Restua ang Provincial Skills Competition, Regional Skills Competition at ang National Skills Competition na itinaguyod ng TESDA-Mimaropa at Oriental Mindoro. Sakaling palarin pa rin sa ASEAN Skills Competition ay mapapasabak si Restua sa International Skills Competition ayon sa TESDA. (DN/PIA Mimaropa-OrMin/TESDA Region 4B)
