SYUDAD SANG ILOILO (PIA) – Isa ka “run-for-a-cause” ang ginhiwat sang Department of Labor and Employment kaupod ang Public Employment Service Office (PESO)-Iloilo City, Department of Social Welfare and Development (DSWD)-6 kag Bidlisiw Foundation Inc.- Philippines nga may katuyuan nga mabuligan ang mga child laborer sa Iloilo.
Ginpahayag ni DOLE-Iloilo officer-in-charge Amalia Judicpa nga ang pondo nga matipon sa programa nga ginhiwat kadungan sang World Day Against Child Labor sang Hunyo 12 ang gamiton para sa ila Project Angel Tree—isa ka proyekto nga nagahatag sang nanari-sari nga serbisyo sa mga child laborer sa Iloilo.
“We are going to identify two barangays each in the city and province with high incidents of child labor. We will concentrate our project there, wherein the funds will be used to buy hygiene and school kits to be given to the identified child laborers in the chosen community,” siling ni Judicpa, kung sa diin ang Project Angel Tree ang hiwaton sa Nobyembre bilang kabahin sang National Children’s Month.
Ginpasalamatan man ni Judicpa ang mga sponsor kag ang halos 200 ka nagpasakop sa run-for-a-cause, kung sa diin ini ang nagapakita sang importansya sang paghatag sa mga kabataan kag ila ginikanan sang paglaum kag suporta.
Dugang pa sin inga importante man nga mahatagan sang dugang nga ubra ang mga ginikanan agud nga magtaas man ang ila kita kag mapaskwela sang maayo ang ila mga kabataan.
“We appeal to the parents to really support and help their children. Let’s not halt their studies as they would soon have more opportunities after they graduate. If there’s a need to sacrifice more, please sacrifice. Let’s not engage our children to work that could harm their growth physically, mentally, and emotionally,” dugang pa sini.
Bilang kabahin sang programa, naghatag man ang DOLE-Iloilo sang P3-milyon nga livelihood assistance pinaagi sa Integrated Livelihood Program sang ahensya sa LGU Batad bangud sila ang isa sa may madamo nga child laborers sa probinsya. (AAL/JNH/PIA Iloilo)
