SYUDAD SANG ILOILO (PIA6) – Isa ka “run-for-a-cause” ang ginhiwat sa syudad sang Iloilo bilang kabahin sang pagselebrar sang “World Day Against Child Labor” sang Hunyo 12.
Ginpahayag sang Department of Labor and Employment (DOLE)-Iloilo nga ini isa ka fund-raising nga aktibidad kung sa diin ang mga benepisyaryo sini amu ang mga “child laborers” sa syudad kag probinsya sang Iloilo.
Ang aktibidad ang may ara sang registration fee nga P200 kung sa diin ini ang pwede mabayad pinaagi sa GCash number 09175093362.
Nag-umpisa ang aktibidad alas singko sa kaagahon kung sa diin ang mga nakipagbahin ang nagdalagan sang tatlo ka kilometro humalin sa Iloilo Freedom Grandstand.
Ginpangunahan sang DOLE ang aktibidad kaupod ang Public Employment Service Office (PESO)-Iloilo City, Department of Social Welfare and Development (DSWD)-6 kag and Bidlisiw Foundation Inc.- Philippines. (AAL/JNH/PIA Iloilo)
