ILIGAN CITY (PIA) — Gipahigayon ang send-off ceremony sa Camp Tomas L. Cabili sa Tipanoy, diin gipadala ang mga security forces ug suporta nga mga personnel gikan sa nagkalain-laing ahensya sa gobyerno alang sa umaabot nga 2025 National and Local Elections.
Apil sa mga personnel nga gipadala ang mga representante gikan sa Philippine National Police, Armed Forces of the Philippines, Philippine Coast Guard, Bureau of Fire Protection, ug City Disaster Risk Reduction and Management Office, ug uban pa.
Mapasalamaton si Commission on Elections Iligan City Election Officer Attorney Annaliza T. Barredo sa mga ahensya tungod sa padayon nga suporta diin maoy nagdasig kanila nga magpadayon sa ilang misyon sa pagserbisyo sa katawhan.
“I urge and encourage all uniformed personnel to continue performing your duties with utmost dedication not only for the Comelec, deputized agencies, but for the Filipino voters who trust you to ensure that they can vote freely, and that their votes will be counted and secured,” sumala niya.
Samtang, nagpahayag si Iligan City Police Office Acting City Director PCol. Jerry A. Tambis nga andam na ang mga kapulisan ug mga multi-agency forces sa siyudad.
“This send-off ceremony stands as a strong testament to our collective aspiration for a peaceful and effective delivery of public service. It is truly commendable to witness the preparedness of our troops along with the personnel from different agencies and departments,” matod niya.
Nagpasalig usab si Tambis sa publiko nga ang mga personnel ipadalà sa tanan nga mga voting centers aron magpabilin ang kalinaw ug magpatuman sa balaod.
Sumala ni Task Force Iligan Commander Col. Dennis Mark S. Malinit importante ang pagtinabangay sa tanan nga sektor sa pagseguro sa kalinaw sa eleksyon.
“Hindi lang ito trabaho ng Task Force Iligan, lahat po tayo dito tulong-tulong para maging fair and secure ang National and Local Elections 2025. I urge everyone na sana kapit-bisig tayo para sa ikaka-ganda at ikaka-peaceful ng eleksyon,” sumala niya.
Giawhag sab ni Police Major Zandrex S. Panolong, Deputy Chief sa City Community Affairs and Development Unit ug ICPO Spokesperson ang publiko nga ipahibalo ang bisan unsang insidente sa vote buying o electoral irregularities pinaagi sa mga Kontra-Bigay Desk sa matag police station. (LELA/PIA-10/Lanao del Norte)
