SYUDAD SANG ILOILO (PIA) – Ginhatagan pagtamod ni Iloilo City Mayor Jerry P. Treñas ang mga kadalag-an nga nakuha sang syudad sang Iloilo sa iya ika-lima nga State of the City Address (SOCA) sang Setyembre 9, 2024.
Sa iya mensahe, ginkilala ni Treñas ang mga importante nga hitabo sa syudad, lakip na ang pagnubo sang kaimulon kag kawalay trabaho, kadalag-an sa imprastraktura, kag ekonomiya.
Suno sa alkalde, santo sa datos sang Philippine Statistics Authority (PSA ), daku na ang pagnubo sang poverty incidence sa Iloilo City nga ara 6.8% sang 2023 humalin sa 8.4% sang 2021. Dugang pa, ang unemployment rate nagnubo halin sa 15.9% pakadto sa 11.9%, nga nagapakita sang pagsanyog sang ekonomiya sang syudad.
“Our initiatives have delivered positive results,” Treñas said, crediting programs like tRAIbaho Ilonggo and the Uswag Negosyo Academy for their contributions to these improvements. This positive trend is a testament to our efforts to improve the lives of our less fortunate residents,” siling ni Treñas.
Ginapabugal man sini ang competitiveness sang syudad matapos ini makabig bilang ika-5 nga Most Competitive Highly Urbanized City sa pungsod subong nga tuig kag ang nagaisahanon gikan sa Visayas kag Mindanao nga nakasulod sa Top 5.
Padayon man ang pag-imprubar sang mga pasilidad para sa ikaayong-lawas, pareho sang Uswag Dialysis Centers, Uswag Molecular Laboratory, kag ang nagapadayon nga konstruksyon sang P1.2-billion Iloilo City Hospital.
Magluwas diri, ginpakigbahin man sang alkalde ang iban pa nga proyekto sang syudad sa patag sang edukasyon, transportasyon, environmental sustainability, kag pabalay.
Iya man gindayaw ang pagkilala nga ginhatag sang United Nations Educational, Scientific and Cultural Organization sa syudad bilang isa ka City of Gastronomy; kag ang pagdaog sang I-Bike sang syudad sa Galing Pook Awards.
Ginhatagan pagtamod sang alkalde nga ini nga mga pagtinguha nasandig sa importante nga papel sang syudad sa pag-localize sang United Nations Sustainable Development Goals (SDGs), nga nagaangot sa bag-o nga roadmap sang syudad: Rice, Iloilo City.
Iya man ginpasalamatan ang publiko bangud sa suporta nga ginhatag sini agud makuha sang syudad ang mga kadalag-an.
“Much like a fruitful tree that draws admiration but endures stones thrown its way, we face scrutiny and doubts. Discouragement in the face of criticism is not an option. Instead, let us see fallen fruits as opportunities to cultivate new growth, nurturing a bountiful orchard for our people,” siling ni Treñas.
“Together, we build a city that is not just content with its present state but is constantly striving for more – more opportunities, more growth, and more prosperity for all,” dugang pa sini. (AAL/JNH/PIA Iloilo)
