TAGBILARAN CITY, Bohol (PIA) – Dili na semestral ang pay-out sa mga benepisyaryo sa Social Pension Program sa Department of Social Welfare and Development (DSWD).
Kanhi makadawat na sa ilang stipend sa matag tulo ka buwan, karon, makapili na ang mga benepisaryo s aka us aka pay-out kada buwan, o kaduha sa usa ka kwarter nga payout.
Ang bag-ong frequency sa payout niabot human sa direktiba ni Kalihim Rex Gatchalian sa tanang field offices nga sundon ug gamiton ang bag-ong schedule sa distribution aron masiguro nga mas kanunay nga makadawat ang mga benepisyaryo sa ilang stipend.
Sa DSWD Memorandum Circular nga giisyu niadtong Mayo 7 sa tanang regional offices, ang Kalihim niingon nga ang semestral nga pagbayad sa social pensions, wala na sugod Hulyo 1.
Hinuon, ipatuman sa DSWD ang bag-ong schedule sulod sa ikaduhang semester sa 2024 ug pataas.
Uban sa bag-ong mga eskedyul, ang DSWD magpadayon sa pagbalhin sa mga pondo ngadto sa LGU, tungod kay ang naulahi mo-disburse sa pondo ngadto sa mga benepisyaryo gamit ang gusto o mas mahimo nga eskedyul, ilabi na kadtong nahimutang sa Geographically Isolated and Disadvantaged Areas (GIDA) o uban pa sa lisud nga mga kahimtang.
Ang mga LGU kinahanglan nga mopakatap niining bag-ong kalambuan ngadto sa mga benepisyaryo pinaagi sa ilang tagsa-tagsa ka Offices of Senior Citizens Affairs (OSCA), nga motabang sa mga senior sa ilang gusto nga bag-ong mga schedule.
Kadtong mga benepisyaryo nga naghigda na, ang mga kawani sa Social Pension Program ang personal nga maghatod sa stipend sa ilang mga panimalay.
Karon, ang DSWD Field Office – Central Visayas nakigsabot sa 130 ka local government units sa rehiyon nga ibalhin ang pondo direkta ngadto sa ilang fiscal authority ug pagpalihok sa ilang mga personnel ug resources aron paspas ang paghatod sa stipends.
Matud pa ni DSWD-7 regional director Shalaine Marie S. Lucero, bisan pa nga ang semester payout nga gisugdan karong tuiga mapuslanon alang sa pipila, ang pagpaila sa bag-ong mga eskedyul mas haum sa lain-laing panginahanglan sa mga senior citizens.
“Kanunay namong gusto nga masiguro nga ang atong mga senior citizen makagamit sa ilang stipend sa panahon sa panginahanglan. Niining paagiha, mas daghan ang ilang mapilian imbes nga usa lang ka higayon nga pagbayad diin adunay mga kalagmitan nga motaas ang ilang stipend sa usa ka higayon nga pagpalit,” si Lucero nagkanayon.
Mokabat sa 299,737 ka mga senior citizens nga huyang, masakiton, o adunay kakulian, walay regular nga suporta gikan sa ilang pamilya, ni makadawat og bisan unsang pension sa Central Visayas, nakadawat na sa ilang dugang stipend nga P1,000 sa unang semester sa 2024. (ECB/PIA7-Bohol)
