NABUNTURAN, Davao de Oro, January 8 (PIA) – – Gipaklaro sa Social Security System (SSS) nga ang ulahing 1 porsyento nga umento sa kontribusyon nga magsugod karong Enero 2025, misubay sa Republic Act 11199 kon Social Security Act of 2018.
Sa Malacañang Press Briefing niadtong Enero 7, gipatinaw ni SSS President ug CEO Robert Joseph de Claro nga ang pagtaas sa kontribusyon, mao na ang pinakaulahing hugna sa umento niini nga nagsugod pa atong tuig 2019.
Lakip sa maong balaod ang pagtaas sa pinakababa nga monthly salary credit (MSC) gikan sa P 4,000 ngadto sa P 5,000; ug sa pinakataas nga MSC gikan sa P 30,000 ngadto sa P 35,000.
Sumala pa ni De Claro nga sa MSC ginakompyut ang daily salary credit (DSC) nga basehan sa kasagaran nga mga benepisyo sa SSS.
Aron matagaan og hulagway, gisampol sa SSS Presidente nga ang umento sa pinakababa na MSC nga P 5,000, mao ang P 190 kada bulan; ug kung pananglitan masakit ang usa ka miyembro ug masulod kini isip benepisyo sa SSS, aduna siya’y dugang sa DSC nga P 30 kada adlaw.
“Kung susumahin po natin, (at) magkasakit ho kayo halimbawa ng 30 days, so ‘yong P 30 pesos ho na dagdag because of this increase, you multiply it by 30 days, 900 pesos ho yon. Ang puhunan po natin sa increase na yon is 190 pesos.”
Gawas pa ani, midugang si De Claro nga aduna poy epekto sa mga retirement sa miyembro ang maong pagtaas sa kontribusyon kung diin P 400 ang dugang sa mga moretiro sa mga anaa sa pinakababa na MSC.
Matod pa ni De claro nga ang maong nakatakda na mga pagtaas sa kontribusyon makasiguro pud sa ‘long-term viability’ sa SSS.
“With this last tranche of contribution rate and MSC increases, the SSS fund is projected to last until 2053 – doubling the fund life to 28 years (vs 2032 or 14 years when an actuarial valuation study was performed in 2018). This will allow us to fulfill our social security obligations to current and future members during times of contingencies,” patin-aw ni De Claro.
Sumala pa niya nga ang maong pagtaas sa kontribusyon moresulta pud sa dugang nga koleksyon nga moabot og P 51.5 bilyon sa 2025, diin 35 porsyento niini o P 18,3 bilyon moadto diretso sa Mandatory Provident Fund (MDF) sa mga myembro sa SSS.
“Such additional collection amount also enables SSS to support national government in times of difficulty, particularly as regards granting calamity loans,” dugang ni De Claro.
Sa tuig 2024, nagpagawas ang SSS og P 9.7 bilyon nga ‘calamity loans’ sa sobra 500,000 nga mga myembro niini nga naapektuhan sa kalamidad. (With reports from SSS/PIA Davao de Oro/MLU)
