TAGBILARAN CITY, Bohol (PIA) — Gipasalig ni Tagbilaran City Mayor Jane Cajes-Yap nga himoon ang Tagbilaran nga hayag nga parola nga magagiya sa matag Lokal nga kagamhanan isip maayong dunggu-anan sa mga negosyante ug mamumuhunan nga buot magnegosyo.
Kini iyang gipadayag atul sa usa ka seremonyas sa pagtunol sa komendasyon sa ARTA team ngadto sa Tagbilaran City tungod sa mga gika-ibogan nga mga katikaran sa panalapi niini, tungod sa pagpatuman sa electronic Business One Stop Shop (e-BOSS).
Ang eBOSS sa Tagbilaran usab nahasubay sa gipatuman nga balaod subay sa Republic Act o 11032 o ang Ease of Doing Business Act, nga gihanigan sa syudad sa ilang digitalization program.
Ang digitalization sa mga proseso sa City Hall maoy labing una nga saad nga gibungat ni City Mayor Jane Yap sa iyang paghimo sa iyang inaugural address human siya mapili, duha n aka tuig ang minglabay.
Didto sa pagtugyan sa ko=mendasyon nga gitambongan sa mga tinugyanan sa Anti-Red Tape Authority (ARTA), mga ahensya nga nagmonitor sa pagpatuman niini ug sa mga ahensya nga nagtampohay usab aron mapahiluna ang mas dali ug mas paspas nga paghimo sa mga transaksyones ug pagpasugod sa negosyo dinhi, gipadayag sa labing bata nga city mayor nga ang ilang fully functional nga e-BOSS.
Ang atong fully functional eBOSS maoy nagpapaspas sa mga transaksyones, nga gikan sa 14 ka mga proseso niadtong 2016, nahimo na lamang nga usa karon.
Kaniadto, matud sa laning una nga babaye nag mayor sa Tagbilaran, nga gikan sa 12 ka mga pirma ang kinahanglan nga labangon aron mahatagan sa permit o lisensya sa negosyo, usa na lamang kaon, matud niya.
Kini nga mga kausaban, nagpahimo sa syudad nga mikita og doble doble sa sagad niini nga kita-on sa pagpa-bukas sa mga negosyo nga nagpadugang sa kasibut sa mga negosyante nga magtukod usab og pamuhunan sa Tagboilaran.
Ang pagka business friendly sa Tagbilaran, mao usab ang nakapahmo niini nga usa sa mga may labing paspas nga ekonomikanhong pagtubo, sa milabay nga mga katuigan.
Gani, dayag sa mayor nga ang Philippine Chamber of Commerce and Industry mitanyag usab sa syudad sa Most Business Friendly City award, nga maoy nagpa-enrol sa syudad sa Hall of Fame tungod sa tulo na ka tuig nga sunod-sunod nila nga pagkakuha sa pasidungog. (RAHC/PIA Bohol)
