SYUDAD SANG ILOILO (PIA) — Ginpanawagan ni Presidente Ferdinand R. Marcos Jr. ang nasyon nga dumdumon ang mga biktima sang bag-o gid lamang nga mga bagyo kag iban pa nga kalalat-an sini nga Paskwa.
Ginhatagan pagtamod sang Pangulo nga ‘deserve’ sang tagsa ka Filipino nga magselebrar sang Kapaskwahan walay sapayan sang mga pagpanghangkat nga gina-atubang nila.
Sa iya pagpamulong-pulong sa tion sang Christmas tree lighting ceremony sa grounds sang Malakanyang sang Disyembre 1, gin-enganyo ni Pangulong Marcos ang tagsatagsa nga dumdumon ang mga yadtong nagarecover nagikan sa kalaglagan tuga sang sang serye sang mga bagyo kag kalamidad.
“We all deserve Christmas,”pahayag sang Presidente.
Ginpahanumdum man ni Presidente Marcos ang tagsatagsa nga ang Paskwa tion sang kasadya para sa tanan nga mga Filipino. Ini man ang tion sa paghatag sang kaluoy sa mga yadtong nagakinahanglan.
“But as we celebrate, [what] I would like, is to ask you to hold a thought for all those people who up to now are trying to recover from the effects of the six typhoons that we suffered in twenty-three days. Many of them are still in shelters. Many of them are still in need,” ginsiling ni Presidente Marcos.
Ginhinambit man sang Pangulo ang mga biktima sang sunog sa Tondo kag ginpanawagan ang mga Filipino nga padayunon ang tradisyon sang pagbuligay sang tagsatagsa.
“All of these people, let’s just keep them in mind and do what Filipinos do. Let’s help each other. And my Christmas wish is that despite everything, every Filipino should feel somehow Christmas,” dugang sang Pangulo.
Sa pihak sang kahul-anan, suno kay Presidente Marcos ang espirito sang Paskwa nagapabilin nga ‘unshakable’ sa tagipusuon sang mga Filipino.
Ginhatagan pagtamod sini ang kaimportante sang pagpa-iway sang mga ‘struggles’ sang nagligad nga tuig agud hakson ang matuod nga esensya sang Paskwa kag ang kalipay sang pamilya. (AAL/LAF/PIA6-lloilo/PND)
