MISAMIS ORIENTAL (PIA) — Mikabat sa P1.3 million ang gitunol sa Provincial Microfinance Unit– Livelihood for Economic recovery and Acceleration Program (PMU-LEAP) ngadto sa mga benepisyaryo sa kasadpang bahin sa Misamis Oriental.
Si Sonny Salvan, presidente sa Gitagum Farmers Association, usa sa mga nakadawat sa nasangpit nga hinabang. Dako ang iyang pasalamat human madawat ang dugang P500,000 nga mahimo nilang dugang kapital.
Sumala niya, dunay kapin 300 ka mga miyembro ang ilang grupo diin tanan nagtinguha sa mas malambuon nga pagpanguma.
Uban niya mao sila si Calvin Arevalo, Leneth Baculio, Wilma Ebuña, Clemencia Lariosa, Randy Juliada, Rowena Apdian, ug Chona Concepcion Jubilado.
Gibutyag ni Gov. Peter “Sr. Pedro” Unabia nga dili niya pasagdan ang kahimtang sa tanang mag-uuma sa probinsya. (Provincial Information Office/PIA-10/Misamis Oriental)
