GOV.PH
Philippine Information Agency
bagong pilipinas

Turismo sa Claveria gitutukan sa MisOr LGU

MisOr PIO
Ang 20-foot nga istraktura, gipahinungod kini sa mga nakabsan sa kinabuhi paagi sa Cebu Pacific Flight 5J387 nga trahedya niadtong 1998. Ang maong shrine usa sa mga atraksyon karon sa lungsod sa Claveria, Misamis Oriental. (Photo courtesy of Misamis Oriental Provincial Tourism Department)

CLAVERIA, Misamis Oriental (PIA) — Pagpalambo sa industriya sa turismo ang padayong gitutokan sa lungsod sa Claveria sa pagpanguna ni Mayor Meraluna Abrogar.

Kini atol sa ika-27th Commemoration sa Cebu Pacific Flight 387 nga trahedya nga gipahigayon sa Flight 387 Shrine sa Mt. Sumagaya. Kahinumduman nga adunay 104 ka kinabuhi nga nakalas sa maong trahedya.

 

Pipila ka miyembro sa mga pamilya sa mga biktima sa Cebu Pacific Flight 387 nga trahedya niadtong Pebrero 2, 1998 mibisita, naghalad og bulak og nagampo sa Shrine sa Flight 387 nga nahimutang sa Mt. Sumagaya, Claveria, Misamis Oriental. Kini atol sa Kini atol sa ika-27th Commemoration sa maong trahedya. (Photo courtesy of MisOr Provincial Tourism Department)
Pipila ka miyembro sa mga pamilya sa mga biktima sa Cebu Pacific Flight 387 nga trahedya niadtong Pebrero 2, 1998 mibisita, naghalad og bulak og nagampo sa Shrine sa Flight 387 nga nahimutang sa Mt. Sumagaya, Claveria, Misamis Oriental. Kini atol sa Kini atol sa ika-27th Commemoration sa maong trahedya. (Photo courtesy of MisOr Provincial Tourism Department)

Matod pa ni Abrogar, ang turismo dako ug ikatabang hilabi na sa pagpangempleyo, economic growth ug sa mga gagmayng negosyante ilabina sa tinguhang pagpakunhod sa kapobrehon sa lalawigan.  

“Usa sa among gipalambo sa lungsod sa Claveria ang turismo man. It’s so timely nga nilambo ang Claveria as to the tourism industry, and timely pud nga gidevelop sa provincial government ang kining shrine sa Flight 387,” matud sa mayor.

Dugang ni Abrogar nga matag-tuig, ang Pebrero 2 mao ang paglansad sa kapistahan sa Birhen sa lourdes.

“Talking about toursists, halos kada adlaw, bisan gani og weekdays, apil na sya sa packaged tour ang kini nga area [shrine], apil na gyud sya sa tourist destinations,” gitbutyag sa mayor.

Dugang pa niya nga usa ang View Deck nga nagpamalambo sa sektor sa turismo sa lungsod sa Claveria ug plano niyang dugangan ang mga empleyado alang sa nasangpit nga tourist spot.

 

Ang mga pangalan sa mga nakabsan sa kinabuhi sa maong Cebu Pacific Flight 5J387 nga trahedya niadtong 1998, makita kini sa istraktura sa Shrine sa Flight 387, usa sa mga atraksyon karon sa lungsod sa Claveria, Misamis Oriental. (Photo courtesy of Misamis Oriental Provincial Tourism Department)
Ang mga pangalan sa mga nakabsan sa kinabuhi sa maong Cebu Pacific Flight 5J387 nga trahedya niadtong 1998, makita kini sa istraktura sa Shrine sa Flight 387, usa sa mga atraksyon karon sa lungsod sa Claveria, Misamis Oriental. (Photo courtesy of Misamis Oriental Provincial Tourism Department)

Kahinumduman nga una nang gibutyag ni Gob. Peter Unabia nga dako ang kontribusyon sa turismo sa paglambo sa ekonomiya sa tibuok lalawigan.

Kabahin kini sa tinguhang makubsan ang kalisod sa lalawigan subay sa Single Digit Poverty Incidence Program ug PAGLAUM Development Agenda sa gobernador nga Goal Oriented Tourism Development. (MisOr PIO/PIA-10/Misamis Oriental)

In other News
Tags: Claveria Tourism, Flight 387, MisOr LGU, Provincial Tourism Department
Skip to content