ILIGAN CITY (PIA)–Kapin 100 nga mga residente sa baroy, lanao del norte ang nagpakita sa ilang mga spooky costumes alang sa tinuig nga Halloween Costume Party.
Gipangulohan kini sa lokal nga gobyerno ug naa na sa ikaduhang tuig nga pagsaulog niadtong October 31, 2023.
“Sa mga residente sa Baroy, hinaot ang tanan magkahiusa. Magpadayon lang ta sa atong tumong nga maasenso jud ta. Kinahanglan down-to-earth, happy, ug relax lang ta,” sumala ni Mayor Grelina Mantohac-Lim.
Bida sa Halloween Party ang lain-laing spooky costumes sama sa characters nga Corpse Bride, Valak sa “The Nun,” Sadako sa “The Ring,” tiyanak gikan sa Philippine Folklore, scarecrow, ug uban pa.
Nakadawat ang mga nidaog og cash prizes. Para sa adult category, P3,000, P2,000, ug P1,000, ang top three prizes.
Midaog si Christian Jimboy Cainglet gikan sa Barangay San Juan isip 1st place sa iyahang scarecrow attire. “Pasalamat ko sa LGU Baroy, sa akong pamilya, ug labaw sa tanan sa Ginoo. Nag-effort jud ko ani para sa akoang kaugalingon. Naa nako’y pang-allowance pang-eskwela sa college,” sumala niya.
Midaog isip 2nd placer sa adult category sa Halloween Costume Party sir Ellezar Sambalod from Sto. Nino Village. (ADD/PIA-10/Lanao del Norte)
Nakuha sa naka-Valak costume ang Cutest award sa Halloween Costume Party sir Ellezar Sambalod from Sto. Nino Village. (ADD/PIA-10/Lanao del Norte)
Sa kids category, upat ka winners ang midaog para sa 1st place, 2nd place, and 3rd place. Ang 1st-place winners nakadaog og tig-P1,500, P1,000 para sa 2nd-place winners, ug P500 para sa 3rd-place winners. Nakadaog sab ang uban og mga dulaan pinaagi sa special awards nga gihatag sama sa Scariest, Cutest, Best in Props, Best in Character, ug Best in Costume awards.
Sumala ni Irene Rey Jeyo, gikan sa Sto. Niño Village, niapil sila aron malipay ang iyang anak. Scarecrow ang iyahang costume og corpse bride ang iyang anak. (LELA/PIA-10/Lanao del Norte)
