SYUDAD SANG ILOILO (PIA) — Igalunsar sang University of the Philippines Visayas (UPV) ang Participatory Food Safety Manual sa Mayo 23 bilang inisyatibo nga gikan sa kolektibo nga kinaadman sang Food Safety Manual Project team.
Ang ini nga guide nga ginbadbad sa Ingles kag Hiligaynon may tuyo sa pagpakigbahin sang mga food safety practices para sa mga micro, small, and medium enterprises (MSMEs) kaupod man ang mga manugbaligya sang pagkaon sa dalan.
“The manual aims to make food safety not only more understandable, but more applicable to everyday local food operations,” suno sa press statement sang UPV.
Ginpahayag man sang buluthuan nga ang paglunsar sang food safety manual isa ka importante nga milestone matapos sang ceremonial soft launching sini sang Hunyo 2024.
“After months of rigorous development and community input, the manual is ready to support safe, inclusive, and sustainable food handling across Iloilo and the region,” pahayag sang UPV. (AAL/LMLE/PIA Iloilo/Balita gikan sa UPV)
