ILIGAN CITY (PIA) — Gisaulog sa mga kababayenhan niining dakbayan ang World Hijab Day sa Public Plaza, Pebrero 1.
Tumong sa kalihukan nga mapromotar ang respeto, ug inklusibidad pinaagi sa pagpasabot sa katuyoan sa pagsuot sa hijab, nga usa ka simbolo sa relihiyon ug kultura sa mga Muslim nga kababayenhan.
Gi-organisar ang kalihokan sa Office of the Maranao and Higaonon Cultural Communities (OMaHCC) uban sa Iligan Bae Rawatun Organization.
“Ang World Hijab Day ay hindi lang for Muslim women, naay cultural groups, Christian, and other ethnic groups na nag wear jud sila og hijab to promote pud sa atong Muslim women sisters, nga naa tay understanding and respect nga gihatag sa syudad sa Iligan,” sumala ni Nasrollah Mangoranda, ang OMaHCC officer-in-charge.
Matod niya, nagpakita og dakong suporta ang lokal nga kagamhanan sa komunidad sa mga Muslim.
“Holding events like this will really help foster unity, it will foster tolerance, empathy and compassion for humanity,” sumala ni Philippine Muslim Women Council President Bae Norhata Macatbar-Alonto.
Aduna sab diskusyon aron ipasabot ang kultural ug relihiyosong kahulugan sa pagsuot sa hijab sa mga kababa-inhang Muslim. Naa sab gipanghatag nga libre nga hijab. (LELA/PIA-10/Lanao del Norte)
