Tuwing ika-2 ng Abril ipinagdiriwang ang Araw ni Balagtas sapagkat si Francisco “Balagtas” Baltazar na isang makatang Pilipino at isa sa mga dakilang bayani ng lahi ay isinilang noong Abril 2, 1788.

Isa sa pinakatanyag na kanyang likha ay ang Florante at Laura sapagkat ito ay sumisimbolo sa mga paghihirap ng mga Pilipino noong panahon ng mga Kastilang.

Alam nyo ba na ang orihinal na pamagat ng sikat na tula ni Francisco “Balagtas” Baltazar na ‘Florante at Laura’ ay Pinagdaanang Buhay ni Florante at ni Laura sa kahariang Albania, kinuha sa madlang "cuadro historico" o pinturang nagsasabi sa mga nangyayari nang unang panahon sa imperio ng Grecia at tinula ng isang matuwain sa bersong Tagalog.