Ginpaabot ni mayor Jose Jimbo Barruela sang Dao ang iya pagpasalamat sa PCSO sang personal niya nga ginbaton ang salakyan sa Metro Manila.
Ang ambulansya ang pagagamiton sang Dao Emergency Response Unit sa madasig nga pagdul-ong sang mga pasyente sa ti-on sang ila pagkinahanglan sang medikal kag ospital nga mga serbisyo.
Subong man, nagpaabot man sang pagpasalamat sanday mayor Arnold Perez sang Pilar kag Atty. Mateo Hachuela sang Dumarao bangud sang nabaton nga donasyon nga labi pa gid nga makabulig sa pagpasangkad sang mga serbisyo sa ikaayong lawas.
Matandaan nga may 9 pa gid ka mga yunit sang PTV nga nabaton ang mga kabanwahanan sa probinsya sang tuig 2022 magluwas pa sa 16 nga mga ambulansya nga nabaton para sa mga tuig 2015 tubtob 2019.
