SYUDAD SANG ILOILO (PIA) -- Ginpaguwa ni Presidente Ferdinand R. Marcos Jr. ang Memorandum Circular No. 41 nga nagamando sa mga ahensya sang gobyerno kag naga-enganyo sa mga lokal nga panguluhan nga mag-obserbar sang “Community Development Week” kag “Community Development Day” sini nga Enero.

and all local government units are encouraged, to extend full support for, and cooperation in, the conduct of relevant activities and programs during the annual celebration of the Community Development Week and Community Development Day,” nasaad sa duha ka pahina nga MC.

Gindeklarar ang nahauna nga semana sang Enero kag Enero 6 sang tagsa ka tuig bilang Community Development Week kag Community Development Day pinaagi sa Proklamasyon Numero 316, (s. 1994) sa tinutuyo nga mapataas ang ihibalo sang mga pumuluyo sa Bayanihan Spirit kag ang kamalahalon sang kooperasyon sa komunidad.

Tinutuyo man sang proklamasyon nga makilala ang malahalon nga kontribusyon kag gintingub nga mga pagpanikasog sang gobyerno kag mga non-government organization sa pagpasanyog sang mga lokal nga komunidad, empowerment sang mga tawo kag community mobilization. (AAL/LAF/PIA6-Iloilo/PND)