NABUNTURAN, Davao de Oro (PIA) -- Magpatuman ang administrasyong Marcos og pipila ka mga lakang sa pagpahunong sa pagsulod sa mga pondo gikan sa gawas sa nasud alang sa mga kalihokan sa terorista, usa ka opisyal sa anti-money laundering body miingon niadtong Martes.

Sa usa ka press briefing sa Malacañang kaniadtong Martes, nagsulti si Matthew David, ang Executive Director sa Anti-Money Laundering Council (AMLC) Secretariat, nga adunay tulo ka butang mahitungod sa pagpondo sa terorismo.

Una mao ang pag-ila sa terrorism financing, nga nagpasabot nga ang mga ahensyang nagapatuman sa balaod ug ang AMLC kinahanglang ilhon ang mga persons of interest o posibleng terorista o terrorism financiers, matud niya.

Ang ubang mga mga butang naglakip usab sa pag-imbestigar sa pagpondo sa terorismo sa mga ahensya nga nagpatuman sa balaod ug sa katapusan, ang pag-prosecute ug pagpasaka sa mga kaso batok sa mga nalambigit sa pagpondo sa terorismo.

Matod ni David, adunay mga organisasyon, non-government organizations (NGOs), ug giila nga teroristang organisasyon nga nagadawat og ginadili nga pundo gikan sa gawas sa nasod.

Ang AMLC nisang-at og mga kaso alang sa terrorism financing nga gi-pending karon sa korte, dugang niya.

imandoan ni Presidente Ferdinand R. Marcos Jr. ang AMLC ug tanang hingtungdan nga ahensya sa gobyerno nga sulbaron ang nahabilin nga mga kakulian aron matangtang ang Pilipinas sa listahan sa global money laundering nga ‘grey list’ karong tuiga.

Atol sa sectoral meeting niadtong Martes, gisubli sa Presidente ang iyang mando sa pagpalig-on sa mga paningkamot nga magsiguro nga ang Pilipinas dili mahimong money laundering site alang sa bisan unsang supak sa balaod nga mga kalihokan pinaagi sa Executive Order No. 33 nga gipagawas sa miaging tuig. (PND/Translated by JSD/MLU/photos from PCO)