SAN JOSE, Antique (PIA) -- Nagpabutyag kang suporta ang Antique Association of Information Officers (AAIO) para sa Unified Communications (UniComm) nga inisyatibo kang Presidential Communications Office (PCO).

Hambal ni AAIO Vice President for Local Government Units (LGU) Peter Edward Perez, sa ngaran ni AAIO President Primrose Zamora, handa ang mga information officers sa Antique nga makigbahin sa lihuk kang PCO nga mas pasangkaron ang pagdara kang pang-gobyerno nga impormasyon sa kabarangayan.

Sa idalom kang UniComm, ginatugruan importansya ang mga konsepto kang inclusivity, transparency, digital engagement, community-centric approach, consistent kag unified messaging, proactive nga crisis communication, kag cultural sensitivity.

Sa anang parte, ginpaathag ni PCO Assistant Secretary Patricia Kayle Martino sa mga information officers sa nasambit nga aktibidad ang communications strategy kang “Bagong Pilipinas” leadership brand kang administrasyon ni Presidente Ferdinand Marcos, Jr.

Sa anang mensahe, ginhambal ni Director-General Torres nga ang UniComm may importante nga papel sa epektibo nga komunikasyon sa tunga kang gobyerno kag publiko, kag ang pang-gobyerno nga impormasyon dapat makalab-ot gid sa kada sara ka Pilipino.

Tana man nagalaum nga makaganar gid kang ihibalo sa dyang regional UniComm ang nagkalain-lain nga communications network sa Western Visayas. (AGP/BPS/PIA Antique)