LUNGSOD NG CALAPAN, Oriental Mindoro (PIA) – Tatlong naglalakihang pawikan ang namataan ng mga mangingisda na napadpad sa isang baklad o mga bitag para sa mga isda malapit sa Brgy. Pambisan, Baco ang iniligtas ng mga bantay dagat sa bahagi ng Brgy. Wawa sa lungsod na ito noong Enero 9.
Batay sa ulat ni Robin Clemente M. Villas, Officer-In-Charge ng City Fisheries Management Office (FMO), ang mga pawikan o Green Sea Turtle na may scientific name na Chelonia mydas na kadalasang lumalaki na hanggang limang talampakan at umaabot sa bigat na 700 libras.
Ang mga nasabing pawikan ay natagpuan ni Romeo Adra, residente ng Brgy. Baruyan, Calapan City na siya ring may-ari ng baklad na kung saan may natagpuan din malapit sa mga baklad ng dalawang pugad ng pawikan na ang isa ay mayroon 116 na itlog habang ang isa ay may 106.
