SYUDAD SANG ILOILO (PIA6) – Ginaduso sang mga lokal nga opisyales ang pag-imprubar sang Panay grid kag mas manami nga pagdumala sini para malikawan ang liwat nga pag-blackout.

Ginpahayag ni Iloilo Gov. Arthur Defensor Jr., nga dapat nga maimprubar gilayon ang mga pasilidad para hindi na maliwat pa ang natabo nga blackout kung sa diin halos apat ka adlaw in inga nagpabudlay sa sitwasyon sang mga pumuluyo sa bilog nga isla sang Panay.

Si Defensor ang personal nga nagtambong sa inquiry nga ginhiwat sang Senado kag Kongreso sang Enero 10 kag 11, 2023, kung sa diin iya ginpahayag nga dapat masolusyunan na ang problema sa elektrisidad.

is a weak national grid. That is why if we don’t address these matters, the blackout will happen again. We have suffered billions of damages,” siling ni Defensor.

Sa datos halin sa Iloilo Provincial Planning and Development Office, kapin P4 bilyon ang nadula nga kita sa Iloilo bangud sa apat ka adlaw nga blackout sang Enero 2 tubtob 5, 2024; samtang ara naman sa halos P2 bilyon ang nadula sa ekonomiya sang syudad sang Iloilo bangud sa hitabo.

Sa pihak nga bahin, ginpahayag man ni Iloilo City Mayor Jerry P. Treñas nga maayo kung makay-o na ang tanan nga pasilidad kag dapat nga may manabat sa natabo nga blackout.

Sa Senate inquiry, ginhingyo ni Treñas ang mga senador nga panabton ang mga may sala sa natabo kag pabayron ini sa mga nadula nga kita kag mga ubra nga naapektohan bangud sa apat ka adlaw nga blackout.

“You must pay for these, otherwise we go on with this inquiry, nothing will happen [...] I am also waiting that after this inquiry, we will see who is accountable and those who are accountable should be made to pay. We are serious this time,” pahayag ni Treñas.

“I ask anyone who is present here, are you willing to have a four-day blackout/ brownout because I will give you a medal? I am angry for the suffering of our beloved Ilonggos and the rest of Western Visayas people affected by the region-wide power outage,” dugang pa sang alkalde. (AAL/JNH/PIA Iloilo)