SYUDAD SANG ILOILO (PIA6) – Nagalaum ang lokal nga panguluhan sang Buenavista sa probinsya sang Guimaras nga mas mapasanyog pa ang ila ekonomiya pinaagi sa pagselebrar sang 17th Palayag Festival.

Ginpahayag ni Mayor Samuel Gumarin nga may ara sila pila ka mga inubasyon para sa subong nga selebrasyon para maganyat ang mga turista nga magkadto kag magselebrar sang kahiwatan.

Dugang pa sini nga ang selebrasyon nga may tema, “Palayag para sa mas masanag nga palaabuton” hindi lang basta selebrasyon sang ila kultura bangud ini ang naga-simbolo man sang ila handum para sa banwa kag mga pumuluyo.

Festival bangud ini ang nagapakita sang kultura kag tradisyon sang mga Buenavistahanon pinaagi sa cultural presentations.

Sa pihak nga bahin, Naghiwat man sang isa ka fluvial parade sang imahe ni Senior Sto. Niño ang Buenavista LGU sang Enero 9 kag ginsundan sang isa ka misa sa Most Holy Name of Jesus Parish Church.

Pila pa sa mga aktibidades sa Palayag amu ang agri-trade fair, food festival, sports tournament, cultural presentation, entertainment bands, bike fun ride, motocross, shoot fest, Kalingawan/Pinandot, Street Dance Competition, fireworks display, kag koronasyon sang Lin-ay sang Buenavista.

Samtang ginpasiguro naman sang Buenavista Municipal Police Station nga wala sang ginamo nga matabo sa lugar bangud plantsado na sini ang ila preparasyon para sa seguridad kag kalinong sa palibot sa tion sang selebrasyon nga nag-umpisa sang Enero 9 tubtob 21, 2024. (AAL/JNH/PIA Iloilo)