SYUDAD SANG ILOILO -- Nakabaton ang probinsya sang Iloilo sang P4 milyon bilang tagdaog sang Seal of Good Local Governance (SGLG) incentive fund sang Department of Interior and Local Government (DILG).

Isa ang gobyerno probinsyal sa 35 ka mga local government units nga ginhatagan sang pondo sa rehiyon kag pagagamiton sa mga proyekto nga may kaangtanan sa paglambot sang Sustainable Development Goals (SDG), pag-uswag sang lokal nga ekonomiya, pagtukod sang resilient nga komonidad, pagpasanyog sang ecological solid waste management, ukon pagpasangkad sang  transparency kag accountability.

Ginakabig ang SGLG bilang isa ka assessment system nga nagakilala sa mga hinimuan sang LGUs sa nagkalalain nga patag. Kaupod man sini ang paghatag igtulupangod sa integridad kag pagdihon sang local governance reforms agud matigayon ang lokal nga awtonomiya kag development. (AAL/LMLE/PIA Iloilo)