CEBU CITY, Cebu, January 12 (PIA) -- Ang Department of Social Welfare and Development (DSWD) nagtutok sa pagpalambo ug pag-deploy sa mga automated system sa tumong niini nga mahatagan og mas lig-on nga social services and mga katawhan 

Kini ang nabag-o nga pasalig sa ahensya ngadto sa katawhang Pilipino nga maka-adjust sa nagbag-o nga socio-economic nga talan-awon sa 2024.

Matod ni DSWD Assistant Secretary for Legislative Affairs and Co-Spokesperson Irene Dumlao nga ang budget sa DSWD sa 2024 nikabat sa Php 245 bilyon nga kasagarang gamiton sa pagpundo sa kasamtangang social welfare and development programs ug services lakip na ang pagpatuman sa mga inobasyon sa ahensya sa digital na pagbag-o.

Karong tuiga sa 2024, unahon sa ahensya ang pag-retool sa mga kasamtangang programa niini aron mahimong mas inklusibo ug adaptive sa nagbag-o nga panginahanglan sa mga target nga benepisyaryo.

Lakip sa mga programa nga i-retool mao ang Sustainable Livelihood Program (SLP), ang Kapit-Bisig Laban sa Kahirapan-Comprehensive and Integrated Delivery of Social Services (KALAHI-CIDSS) Program, ang Tara Basa! Tutoring Program, ang Oplan Pag-Abot Program, ug ang Walang Gutom 2027: Food Stamp Program (FSP).

“Ubos sa pagpangulo ni DSWD Secretary Rex Gatchalian, ang ahensya motutok sa pagpalambo ug pagdeploy sa mga automated system alang sa iyang prayoridad nga frontline services, streamline benefit disbursement, ug pagpalambo sa financial inclusion,”  matud pa ni Secretary Dumlao. (JAT/PIA 7)