Magluwas diri, nakalista man ang CPPO sang 95 ka anti-illegal drug-related operations sang 2023 kag nakakumpiskar sang 1,861.1293 nga gramo sang methamphetamine hydrochloride ukon shabu nga naga-balor P12,695,581.64.

Ang mga operasyon ang nagresulta sa pagkadakop sang 121 drug personalities kag nakapasaka sang 240 ka mga kaso angut sa droga.

Ginpahayag ni Col. Jerome Afuyug Jr. nga provincial director sang CPPO nga ila pagid mas pagatutukan ang kampanya kontra sa iligal nga bulohaton ilabi na gid ang kampanya kontra sa iligal nga droga.

Sa pihak nga bahin, ginpahayag ni Maria Melinda Panaguiton nga provincial officer sang Philippine Drug Enforcement Agency (PDEA) nga ang banwa sang Dao kag Jamindan ang drug-cleared na nga kabanwahanan sang probinsya.

Nahibaluan nga ang administrasyon ni Marcos sa karon ang nakakumpiskar sang P10.41 bilyon nga balor sang iligal nga droga sa tuig 2023 kag nakadeklar nga drug-cleared  masobra 27,000 ka mga barangay sa pungsod.