TAGBILARAN CITY, Bohol, January 17 (PIA) -- Aron mahatagan og mas dako nga pinansyal nga access ug mapausbaw ang financial literacy, ang Land Bank of the Philippines (LANDBANK) dungan nga maglunsad sa "Bilis Ipon: Digital Financial Inclusion Caravan" sa Munisipyo sa Pres. Carlos P. Garcia ug laing 10 ka site sa tibuok nasod sa Enero 18, 2024.

Kini nga caravan nagtumong sa pag-promote sa mga produkto ug serbisyo sa digital banking sa LANDBANK nga nag-uswag sa pinansyal nga paglakip, samtang nagpasiugda sa himsog nga pamatasan sa panalapi sa mga Boholano.

Ang LANDBANKasama Program opisyal usab nga ilusad, diin ang mga akreditado nga kasosyo niini sama sa mga kooperatiba ug micro, small and medium enterprises (MSMEs) gitapik aron sa paghatag og importanteng serbisyo sa banking ngadto sa mga unbanked ug underserved nga mga komunidad sa ngalan sa bangko.

Pangunahan nila LANDBANK Senior Vice President Khurshid U. Kalabud ug Gob. Erico Aristotle Aumentado ang maong caravan nga ipahigayon sa Pitogo Gymnasium sa lungsod sa Pres. Carlos P. Garcia adlaw’ng Huwebes. (ECB/PIA7-Bohol)