SAN JOSE, Antique (PIA) -- Nakabaton ang mga mangunguma dya sa Antique kang proyekto kag iban pa nga bulig halin sa Department of Agrarian Reform (DAR) nga nagabalor P1.35 milyones.

Sa sangka press release, ginhambal kang DAR nga nakabaton ang darwa ka agrarian reform beneficiaries’ organizations (ARBOs) sa banwa kang San Remigio kang darwa ka unit kang drip irrigation facility nga nagabulig sa mga mangunguma patubig sa anda mga taramnan.

ang lokal nga pangulohan para sa andang kontribusyon sa implementasyon kang nasambit nga proyekto.

Gin-agda man ni Siladan ang mga ARBs nga gamiton kang mayad kag halungan ang mga pasilidad kag kagamitan para masiguro nga mapuslan ang mga dya sa mas malawig nga panahon.

Sa anang parte, gintugruan igtalupangod ni Supervising Agrarian Reform Program Officer (SuARPO) Mary June B. Andres ang pagsiguro nga ang mga pasilidad halin sa gobyerno maprotektaran para magamit pa kang masunod nga henerasyon.

Samtang, bahul ang pagpasalamat kang mga ARB sa DAR kag lokal nga pangulohan kang San Remigio para sa andang padayon nga suporta para sa mga mangunguma kag sektor kang agrikultura. (AGP/BPS/PIA Antique)