Ini gintambungan sang mga pili nga IDP implementers gikan sa nagkalain-lain nga bahin sang pungsod Pilipinas.

Ang NIA 6 nakabaton sang apat nga pagkilala para sa kategorya sang pinakamadamo nga value-added trainings nga ginhiwat, ika-apat nga lugar para sa highest EPAHP sales for IA category, ikatatlo nga puwesto para sa highest EPAHP sales in the national category, kag ikaduha nga lugar sa best audio-visual presentation.

Samtang ginpaabot ni Engr. Eddie G. Guillen nga Acting Administrator sang NIA ang iya lubos nga suporta sa pag-abot sang mga tinutuyo sang EPAHP kag sa dako nga papel sang mga IDP implementers sa pagtuman sang mga ini.

Ang tanan nga opisina sa rehiyon sang NIA ang nagpresentar sang ila tagsa ka implementasyon sang IDP, convergence programs, best practices, kag mga inobasyon para sa pagpakigbato sa madugay na nga paghangkat sa bahin sang food security kag agrikultura.

Sa isa ka press release, ang NIA  nagpasalig sang padayon nga pagbuhat sang mga tikang sa pagpahagan-hagan sang kaimulon sa pungsod paagi sa pagpasanyog sang mga palangabuhian sang mga mangunguma kag pagpataas sang produktibidad sa bahin sang agrikultura. (AAL/AGP/PIA 6 kalakip ang mga balita halin sa NIA 6)