SYUDAD SANG ILOILO (PIA6) – Sigurado nga mabusog gid ang mata kag tiyan sang mga Ilonggo kag turista nga magapadulong para sa Dinagyang Festival subong nga tuig bangud ara sa masobra 700 ka stalls ang ginpahamtang sa mga mayor nga dalanon sang syudad para sa Food Festival nga nag-umpisa na sang Enero 25 tubtob 28.

Ginpahayag ni Jay Treñas, chairman sang Dinagyang Food Festival Committee nga lauman sang mga turista ang mas dako nga festival kag manami nga mga pagkaon ilabi na nga gindeklarar ang syudad sang Iloilo bilang UNESCO Creative City of Gastronomy sang damlag lang.

ila ibida ang nagkalain-lain nga mga putahe kag delicacies halin sa mga kabanwahanan sa probinsya.

Makit-an ang food stalls sa mga mayor nga dalanon sa syudad, lakip na sa Bonifacio Street; Muelley Loney (likod sang Provincial Capitol); Iloilo Provincial Capitol grounds; Solis Street; Valeria Street (Atrium); Delgado Street (Amigo side); Delgado Street (SM Delgado side); Valeria Street (Marymart side); Iznart Street; kag sa bag-o nga business district sa Mandurriao.

Lakip naman sa organizers sang food festival amu ang JM Ebo, Pentahouse, Association of Barangay Captains – City Proper, Iloilo Hotel Resorts and Restaurants Association (IHRRA), ToLove, Bingo Plus kag TND. (AAL/JNH/PIA Iloilo)