SYUDAD SANG ILOILO (PIA6) – Ginatos ka mga Ilonggo ang nag-upod sa fluvial kag foot procession nga parte sang selebrasyon sang Dinagyang Festival para ipakita ang ila hugot nga pagtuo kay Señor Sto. Niño.

Ginpangunahan sang San Jose Parish Placer ang selebrasyon sang Enero 26, 2024 kung sa diin ginsakay sa M/V Romblon sang Philippine Coast Guard (PCG) ang replika sang imahe ni Señor Sto. Niño kag ginlibot sa Iloilo-Guimaras strait.

Naglab-ot naman sa 13 ka fiber boats ang ginsakyan sang mga deboto nga nag-upod sa fluvial procession, samtang may nag-upod man nga mga pribado nga speed boats kag jetski.

panguna sa foot parade subong nga tuig nga ginsundan sang mga deboto sa ila paglakat sa kalye.

Nagdala naman sang ila tagsa-tagsa ka imahe sang Señor Santo Niño ang mga deboto bilang pagpakita man sang ila hugot nga pagtuo kag pasalamat sa mga grasya nga ginhatag sa ila.

“Mansig dala kada isa, hindi lang nga bitbit naton ang aton lawas, pero upod naton si Sto. Nino samtang nagalakat kita nga nagaupod sa foot procession,” pahayag ni Alor.
“Ang aton ya nadak-an ang faith inside. Siguro mahambal naton grabe man ang faith naton, pero we are silent prayers nga mga tao. Hindi kita ya showy, kanya-kanya kita, pero ara ang aton pagtuo, dalom kag hugot,” dugang pa niya. (AAL/JNH/PIA Iloilo)