LUNGSOD QUEZON, (PIA) -- Nagbigay babala ang Metropolitan Manila Development Authority (MMDA) sa publiko na mag-ingat sa pekeng Facebook page na ginagamit ang logo ng ahensya bilang profile picture.

Ayon sa MMDA, hindi ito konektado sa ahensiya. Ano mang post, mensahe, transaksyon, o pakikipag-ugnayan ng mga taong nasa likod ng FB account na ito ay hindi bahagi at walang kinalaman ang pamunuan ng MMDA.

Paalala rin ng MMDA na mag-ingat sa pakikipag-transaksyon online.

Narito ang official social media channels ng MMDA:

Facebook: @MMDAPH
Twitter: @MMDA
Instagram, Threads, TikTok: @mmdagovph

(MMDA/PIA-NCR)