MANILA, January 29 (PIA) -- Ang Presidential Communications Office (PCO) magpagawas karong tuiga og libre nga “Bagong Pilipinas” Digibox nga gituyo alang niadtong dili kayang makapalit og bag-ong digital TV receivers samtang ang nasod mobalhin gikan sa analog broadcast ngadto sa digital, si Communications Secretary Cheloy Velicaria-Garafil miingon niadtong Domingo.

“Yun ang pupunan naming sa PCO. So starting this year, magro-rollout kami ng mga libreng Bagong Pilipinas Digibox,” deklara ni Garafil atol sa kick-off rally sa Bagong Pilipinas Campaign sa Quirino Grandstand niadtong Domingo.

“Kaya nga naisip namin since magta-transition tayo from analog to digital at alam naman natin na hindi naman lahat makakabili ng digital TV. So naisip namin sa PCO— ano ang bago? Maglulunsad kami ng Bagong Pilipinas Digibox,” matud niya.

Ang Pilipinas nagbalhin karong tuiga gikan sa analog ngadto sa digital TV, ug sugod usab karong tuiga, ang mga analog TV users sa Metro Manila dili na makadawat og TV signal. 

Gipangutana kung nganong gikinahanglan ang pagbalhin gikan sa analog ngadto sa digital, si Garafil miingon nga ang mga tiggamit makatagamtam sa mga bag-ong feature, sama sa mas maayo nga programming uban sa digital TV, dugang pa sa iyang emergency ug early warning features.

Matud pa ni Garafil nga kinahanglan gyud nato kining mga digital nga telebisyon tungod kay daghan kini og mga channel ug mas maayo og reception.

Gawas pa nga may usa ka sayo nga pasidaan nga channel kini diin kun adunay bagyo, kalamidad, ug uban pang emerhensya, may sayo nga warning sa atong mga katawhan aron makapangandam sila.

Ang PCO nag-apod-apod og 1,000 ka Bagong Pilipinas digibox units atol sa kalihokan niadtong Domingo sa Manila.

Ang Bagong Pilipinas Campaign mao ang nag-unang tema sa tatak sa pagdumala ug pagpangulo sa administrasyong Marcos, nga gihulagway sa usa ka prinsipyo, tulubagon, ug kasaligan nga gobyerno nga gipalig-on sa hiniusang mga institusyon sa katilingban. (ECB/PIA7 Bohol)