No. of :

No. of Shares:

Currently viewed by: Marcus Rosit

  1. Home
  2. News
  3. Black Beauty Boys uman nga nabuoe ro kampeonado sa Kalibo Sadsad Ati-atihan contest

Black Beauty Boys uman nga nabuoe ro kampeonado sa Kalibo Sadsad Ati-atihan contest

Write a comment

Delete

KALIBO, Aklan (PIA) -- Nabalik sa "Black Beauty Boys" ro kampeonado nga titulo sa Kalibo Sadsad Ati-atihan Contest pagkatapos it ap-at nga dag-on nga raya hay nabuoe kanda.

Naproklamar bilang grand winner sa hara nga dag-on, napirde it grupo nga halin sa Linabuan Norte ro pito nga mga nakumpetensiya nga tribu sa Tribal Big nga kategorya nga kung siin sanda ra hay nakauli it P 1 milyon nga premyo.

EditDelete
Black Beauty Boys it Linabuan Norte nagpartisipar sa Kalibo Sadsad Ati-atihan Contest ku Enero 20 ag nabuoe ro kampeonado nga titulo sa Tribal Big category. (PIA Aklan)
Delete

Rayang kategorya sa Kalibo Señor Santo Niño Ati-Atihan Festival major contest ro ginataw-an it organizer it pinakamaeagko nga premyo.

Suno kay Engr. Lucas Francisco, lider it tribung Black Beauty Boys, sobra anda nga kalipay dahil sa harang dag-on nabawi nanda ro kampeonado pagkatapos nga maduea kanda ku 2020 ag 2023.

Ginpundo ro selebrasyon it Kalibo Ati-atihan Festival ku 2021 ag 2022 tungod sa pandemya.

“Sa akon pag-obserbar, may laban mat-a kami kaso uwa man gid kami ga-expect nga mayad dahil nakita man namon nga abo nga manami ag tanan man nagpreparar it,” hambae ni Francisco.

Euwas sa championship title ag grand prize, nadag-an man it Black Beauty

Delete

Boys ro lima pa gid nga mga special award kaparehas it Best in Costume, Best in Beats and Sounds, Best in Street Dancing, Best in Headdress, and Most Disciplined, nga nakabaton sanda it P5,000 kada award.

“Ina tanan ro gaoy, stress, bukon it madali amon nga gin-agyan. Gintao namon ro among pinakamayad. Pero mahambae ko nga nagbulig gid sa among kadaeag-an ro debosyon ag pagpanaad kay Señor Santo Nino. Maski sa amon nga costume, sa headdress, makita nga ina gid si Sto. Niño ag imaw ro focus ag ginadayaw bilang hari,” pag-eksplikar ni Francisco.

Gindugang man it mga miyembro ag organizer it grupo nga ro anda nga dag-unan nga pag-intra hay indi eamang kompetisyon, kundi anda man nga pagdayaw ag pagpasaeamat kay Señor Sto. Niño.

Delete

Ro iban pa nga nagdaog sa Tribal Big category hay ro Tribu Linabuanon, 2nd place nga may P300,000.00 cash prize; Vikings – 3rd place (P170,000.00); Pride of Libtong – 4th (P70,000.00); Pangawasan Tribe – 5th (P60,000.00); Maharlika Tribe – 6th (P50,000.000); Tribu Alibangbang – 7th (P40,000.00); ag Tribu Waswas - 8th (P30,000.00).

Sa Tribal Small category, ro grupo nga “Kabog” ro nakabuoe it pinakauna nga pwesto, nga kung siin kaparehas it Black Beauty Boys, hay nagdaog man it lima ka mga special award. Ginsundan ra it Tribu Tampogaling ag Tribu Bukid Tigayon sa ikadaywa ag ikatatlo nga pwesto.

Para sa Modern Tribal, ro nagbalik nga grupong Royal Scorpio ro nagdaug sa pinakaibabaw nga pwesto, ginsegundahan it Atras Abante ag dayon Aeang-Aeang.

EditDelete
Grupo nga Royal Scorpio nga uman nga nagbalik sa pag-intra sa Kalibo Sadsad Ati-atihan Contest, ro nagdaog sa Modern Tribal category sa harang dag-on. (PIA Aklan)
Delete

Nagpanguna sa Balik Ati category ro tribung Apo ni Inday ro, sunod ro Tribu Naisud, ag Sinikway Nga Ati.

Ro mga nagdaog sa tanan nga kategorya hay gin-anunsyo sa awarding ceremony ku Enero 21, sa Magsaysay Park.

May 34 nga tribu ag grupo ro nagparehistro ag nangin kaparte it Kalibo Sadsad Ati-atihan contest sa harang dag-on. (AGP/SQP/PIA Aklan)

About the Author

Sheila Patoza

Writer

Region 6

Related News

Feedback / Comment

Get in touch