Isa sa mga nagatanyag sini si Jasmin Mangalisan, tindera sang utanon sa Iloilo Terminal Market, nga nangin mapinasalamaton bangod nangin mas protektado na kag mahulas ang iya mga digital nga transaksyon sugod sang naggamit ini sang teknolohiya sang Quick Response (QR) nga dala sang LANDBANK.

Siling ni Mangalisan nga dako ang bulig sang cashless nga pagbayad sa adlaw-adlaw nila nga negosyo, ilabi na kon holiday. Ini bangod indi na papel ukon barya ang iya ginabaton, indi na man sila malokohan sang mga nagagamit sang peke nga kwarta.

Dugang pa sini nga mahapos na man para sa iya ang pagbayad sa mga suppliers gamit ang online transfer.

Maglowas sa dugang nga seguridad, suno man kay Mangalisan,

Mahibal-an nga ang programa sang Paleng-QR Ph Plus, nga ginapangunahan sang Bangko Sentral ng Pilipinas (BSP) kag sang Department of the Interior and Local Government (DILG), nagatuyo nga mapasanyog ang paggamit sang QR Ph, ang ginakabig nga national standard para mga electronic payment pinaagi sa mga QR code.

Pahayag ni LANDBANK President kag Chief Executive Officer Lynette V. Ortiz, ginagamit sang LANDBANK ang ikasarang sang digitalization sa pagpromotar sang mga transaksyon nga wala na nagagamit pa sa pisikal nga kwarta sa mga lokal nga merkado sa bug-os nga pungsod.

Dugang pa ni Ortiz nga sa bulig sang BSP kag DILG, ginahatagan sang ikasarang