LUNGSOD NG ILAGAN, Isabela (PIA) - Tinanghal bilang over-all champion ang bayan ng Echague sa katatapos na 2024 Bambanti Festival na isinagawa nitong nakalipas na Ika-22 hanggang Ika-27 ng Enero 2024.

Iginawad ang premyo nagkakahalaga ng P1 milyon bilang project package ni Vice Governor at 2024 Bambanti Festival Director General Faustino G. Dy III sa isinagawang awarding ceremony sa Isabela Sports Complex nitong Ika-26 ng enero 2024.

Mismong si Echague Mayor Francis Faustino Dy kasama ang iba pang opisyal ng bayan ang tumanggap ng nasabing premyo mula kay Dy.

Samantala, over-all 1st Runner Up ang bayan ng Quirino na tumanggap ng P750,000; 2nd Runner Up ang bayan ng Alicia na may P500,000; 3rd runner Up naman ang bayan ng Jones na may P300,000; habang 4th Runner din ang bayan ng Luna na nakatanggap ng P100,000 worth of project package mula sa Pamahalaang Panlalawigan. (MGE/PIA Isabela