Tadday ta edda nagergowan y scholarship program para ta maggigiyammu ta nu anni laman nga kurso nga ikaya ra gigiyammuwan ta nadduma-ruma ira nga kolehiyo ta Europa.
Kinagi ni Veron nga aru ngana y taga Filipinas nga minay ta Europa tape maggigiyammu.
Kinagi na paga nga daka-dakal y potensyal na Filipino ira nga makuwalipika ta scholarship program na European Union megafu ta intelihente, malappo, masippo anna matalikarak y Filipino ira.
Nagayayya gapa si Mayora Ting-Que ta nepappasyar ni Veron ta Ciudad anna nappabalo yaw ta neyafursi na ira nga programa nga awayya na nga makakoffun para ta progreso na Tuguegarao.
Maginnanama y alkalde nga egga y maginteres ta scholarship grant nga maggafu ta Europa ta dakal nga oportunidad yaw para ta interu cuidad. (OTB/PIA Region 2)
