DAVAO DE ORO (PIA) -- Miingon si Presidente Ferdinand R. Marcos Jr. nga nakita niya ang usa ka masanag nga kaugmaon sa relasyon sa Pilipinas-Viet Nam tungod sa 50 tuig nga maayong relasyon, bisan pa sa daghang mga multilateral nga isyu nga giatubang sa rehiyon ug sa tibuok kalibutan.

Sa mensahe sa panahon sa bangkete sa estado nga gi-host sa Presidente sa Vietnam nga si Võ Văn Thộng, giingon ni Marcos nga mas dayag na karon ang komon nga tinguha nga masiguro ang usa ka lig-on ug responsive nga global supply chain pinaagi sa dugang nga bilateral trade human ang pandenmya.

dihang ang Pilipinas nagtukod og diplomatikong relasyon sa Socialist Republic of Viet Nam, ug uban sab si kanhi Unang Ginang Imelda Romualdez Marcos sa pagmugna sa pundasyon niadtong 1975.

Ang pormal nga diplomatikong relasyon sa Pilipinas-Viet Nam milungtad og 47 ka tuig sukad sa pormal nga pagkatukod niini niadtong Hulyo 12, 1976, diin ang duha ka nasod mipataas sa ilang relasyon ngadto sa Strategic Partnership niadtong 2015.

Ang Pilipinas ug Viet Nam adunay usab lig-on nga relasyon sa pamatigayon, nga adunay kinatibuk-ang kantidad nga mokabat sa US$6.18 bilyones sa 2022. Ang mga eksport tali sa duha ka mga nasud nagkantidad og US$1.72 bilyon, samtang ang importasyon mikabat sa US$4.46 bilyon.

Adunay gibanabana nga 7,003 ka mga Pilipino sa Viet Nam. Niadtong 2022, ang Overseas Filipino Workers’ (OFW) Remittances mikabat sa US$13,683,000.  (PND/Translated by jsd/mlu/photo from PCO)