SYUDAD SANG ILOILO (PIA6) – Ginalauman nga magadala sang pagsanyog sa ekonomiya sang Kabisay-an Nakatungdan ang natalana nga modernisasyon sang Iloilo port.

Ini matapos ang pormal nga pag-award sang Philippine Ports Authority (PPA) sang concession contract sa International Container Terminal Services Inc. (ICTSI) para sa pagdevelop kag operasyon sang Iloilo Commercial Port Complex sa sulod sang 25 ka tuig.

Ginabi-abi naman ni Iloilo City Mayor Jerry P. Treñas ang natalana nga modernisasyon sang port, kung sa diin ini ang magahatag kahigayunan para sa mas madamo nga international container ship arrivals sa syudad.

sang ICTSI pagkatapos sang ila pagperma sa kontrata kag mahatag na sang PPA ang Notice to Proceed.

Ang offer sang ICTSI para sa ila 25 ka tuig nga kontrata ang may ara sang concession fee nga P750 milyon para sa ika-anom tubtob ika-10 nga tuig, kiung sa diin ini ang mas dako kumpara sa fixed concession fee nga P500 milyon nga nabutang sa orihinal nga kontrata para sa proyekto.

Nagabalor naman sang P10,529,133,911 ang project cost para sa modernisasyon sang port.

Ginpahayag man sang ICTSI nga ang ila proposal “highlights significant investments in infrastructure upgrades, cargo-handling equipment, and operational efficiency measures to transform the Iloilo Port into a premier gateway.”

“We are pleased and grateful to be entrusted with the redevelopment of the Iloilo Port. We recognize the port’s pivotal role in driving Iloilo’s economic and social growth,” pahayag ni ICTSI executive vice president Christian Gonzalez. (AAL/JNH/PIA Iloilo)