Hambal ni Senior Fire Officer I (SFOI) Maria Christina Reyes, ginaduso kang BFP ang insakto nga paggamit kag pagreserba kang tubig sa mga komunidad para masiguro nga may magamit sa madasig nga pagresponde sa imerhensya.

Dugang na pa, bangod sa mainit nga panahon kag malaka nga pag-uran, tama ka laya ang mga dahon, hilamon, kag iban pa nga bagay sa palibot nga pwede umpisahan kang kalayo.

Para malikawan ang insidente kang sunog kag mapaiway sa kahalitan ang pamilya, nagpangandam si Reyes kang paghaboy kang sigarilyo bisan diin kag pagpanutod kay dya pwede tunaan kang sunog.

Mahimo man iparayo sa kabataan ang mga posporo kag kandila, bantayan mayad ang kalayo kung nagaraha, isekyar ang tangke kag gas stove, kag siguraduhon nga mapatay kang mayad ang uring kag kahoy panggatong pagkatapos gamiton.

Ginpahanumdom man ni Escander ang Exit Drill in the Home (EDITH) nga sangka pamaagi para tudluan ang mga miyembro kang pamilya kang importansya kang fire safety kag emergency drills.

Samtang, suno kay Fire Officer III Jethro Estilo, nagnaba ang mga insidente kang sunog kang 2023 kumpara kang 2022, pati man ang balor kang kahalitan – sangka indikasyon kang mas nagamayad nga fire consciousness kang publiko paagi sa information kag education campaigns kang BFP. (AGP/BPS/PIA Antique)