LUNGSOD MARIKINA, (PIA) -- Magandang balita! Handog ng Pamahalaang Lungsod ng Marikina, sa pakikipagtulungan ng Technical Education and Skills Development Authority (TESDA), at Philippine Contractors Association, ang libreng training sa Shielded Metal Arc Welding NC I.

Ayon sa pamahalaang lungsod, ang libreng training ay bukas para sa mga taga Marikina na may edad 18 taong gulang at pataas, walang trabaho, at hindi naka-enroll sa paaralan o anumang klaseng training.

Sa mga nais lumahok sa training, maghanda ng mga sumusunod:

• 2 pcs 1x1 picture (formal attire)
• 3 pcs passport size picture (white background with complete name tag at formal attire)
• 3 photocopies ng dating school record (Form 137, Report Card, TOR, o ALS Grades Form)
• 3 photocopies ng birth certificate (NSO, PSA, o Local Civil Registrar)
• 3 photocopies ng 1 valid ID (government-issued) na may 3 specimen signatures 

I-submit ang mga requirements sa 2nd Floor OSCA Bldg., Shoe Ave. cor V. Gomez St., San Roque, Marikina City, mula 8:00 am hanggang 5:00 pm, Lunes hanggang Biyernes.

Para sa updates, umantabay sa Marikina PIO Facebook page https://www.facebook.com/MarikinaPIO. (Marikina City/PIA-NCR)