SYUDAD SANG ILOILO (PIA6) -- Padayon nga nagapanawagan ang Iloilo City Government pinaagi sa Persons with Disability Affairs Office (PDAO) sa mga PWD sa syudad nga magpabutang na sang security label/sticker sa ila mga PWD identification cards.

Ginpahayag ni PDAO head Eleanor Gregorio nga sa Pebrero 29 na ang deadline apang yara palang sa masobra 3,000 ang nagpadulong sa ila opisina agud magpa-install sang ila ID security label.

sang security labels ang PWD IDs sa sulod sang tatlo ka bulan umpisa Nobyembre 29, 2023 tubtob Pebrero 29, 2024.

Ang mandu sang alkalde ang isa ka pamaagi para malikawan ang pagpeke sang IDs kasunod sang mga report kag aktwal nga pagkatukib nga madamo nga mga indibidwal ang nagahimo sang sini nga iligal nga buluhaton.

Ginpa-athag ni Gregorio nga sa pagtapos sang deadline, indi na makakuha sang discount sa mga establisyemento ang mga PWD nga wala nakapa-install sang security label sang ila mga ID.

“Beyond our deadline, we will still continue to accommodate and install security labels. However, availing of PWD privileges will be suspended starting March 1, 2024 until you already have security label in you PWD IDs,” dugang pa ni Gregorio. (AAL/JNH/PIA Iloilo/Iloilo City PIO)