SYUDAD SANG ILOILO (PIA6) -- Ginpahayag sang 301st Infantry "Bayanihan" Brigade (IB), kadungan sang ila 41st nga anibersaryo, nga  'whole-of-nation approach' ang kinahanglan sang gobyerno para matapna ang tanan nga rebelde nga grupo sa rehiyon.

Suno kay Brigadier General Michael Samson, commander sang 301st IB, nga hindi masolbar sang mga suldado lang masobra na 50 ka tuig nga problema bangud nagakinahanglan ini sang mas madalom nga solusyon upod ang iban pa nga katapo sang gobyerno kag sang komunidad.

Dugang pa ni Samson nga ang mga military operation ang maga-pressure lang sa mga rebelde nga grupo para sila ang magpanumdom nga magbalik sa gobyerno.

sang P15,000 nga bulig pinansyal; 28 FRs naman ang nahatagan sang P50,000 nga livelihood assistance, kag tatlo ang nakabaton sang 'firearm remuneration' nga nagabalor P86,000.

“This is the scenario nga happy gid kami nga marealize ta nga ang pagbalik nila sa mainstream society, not as a result of an an arm clash but because of the programs we have. We are all Filipinos and wala man siguro gusto sang lugar nga magulo, affected ang kabuhayan. Common goal man guru sa tanan ang katawhayan kag kalinong,” siling sang
heneral.

Luyag man sang 301st IB nga pabaskugon ang 'local peace initiative' sa rehiyon para ma-isturyahan sa lokal nga lebel ang mga problema nga rason man sang pag-upod sang iban nga mga pumuluyo sa mga rebelde nga grupo.

Sa pihak nga bahin,  ginpahayag sang 301st IB nga himuon nila ang tanan para matapna ang duwa ka nabiln nga rebelde nga grupo sa Panay nga amu ang Souther kag Central Fronts Committees.

“Gabudlay nga gabudlay ang amon operations, but at the same time, with these challenges, we are really determined and dedicated to finish our job, accomplish our mission kay para ini sa kalinong kag katawhay sang tanan,” pahayag ni Samson. (AAL/JNH/PIA Iloilo)