DUMAGUETE CITY, Negros Oriental (PIA) -- Gihangop sa Negros Oriental Provincial Tourism Board (NOPTB) ang plano sa Negros Oriental Hotel, Resort, and Restaurant Association (NOHRRA) na makig-uban sa mga mag-uuma og kape sa Canlaon City alang sa pagpalambo sa lokal na industriya sa kape sa lalawigan.

Tumong og tuyo sa NOHRRA na tabangan ang mga mag-uuma og kape sa Canlaon City aron mabida ang ilang mga produkto sa Dakbayan sa Dumaguete pinaagi sa pag-abre og speciality coffee shops sa siyudad.

Subay niini, nipahigayon ang NOHRRA og usa ka coffee tasting and smelling activity alang sa mga kawani sa media, NOPTB, ug Dumaguete City Tourism Office aron masinati nila ang usa ka “elevated coffee experience” sa usa ka specialty coffee shop.

Makig-uban ang NOHRRA kang Rolanzo “Lanz” Mirondo usa ka ka-coffee roaster naka-base sa Cebu alang sa “pag-develop” og mga produkto sa kape sa probinsiya.

Gitudluan ni Mirondo ang mga partisipante sa maong kalihukan labot sa nagkadaiyang humot ug lasa sa kape depende sa lebel sa pag-sangag (roasting) sa mga liso sa kape.

“Dumagueteños, NegOrenses are coffee lovers. The thing that Royani and Lanz are doing they’re elevating the coffee experience and that is really the goal of tourism. We always have to give different variety of experiences,” matod ni NOPTB Executive Director Woodrow Maquiling Jr.

Matod pod ni Maquiling, subay sab sa ilahang “Viaje sa De Amo” Tourism Program ang inisyatibo sa NOHRRA kon diin ilang i-promote ang mga nindot nga tourist destination sa mga lugar sa amihanan sa Negros Oriental apil na ang Canlaon City.

Gilantaw sa NOHRRA ang kaning oportunidad na palamboon ang industriya sa kape mahitungod pod sa pagdaghan sa mga coffee shop sa Dumaguete City.

“We noticed there are lots of coffee shops here in Dumaguete and one of the main issues is that they do not have enough good quality beans. With this, we’ll have enough supply of good quality coffee beans at the same time we are helping the farmers,” matod ni Royani Dy, presidente sa NOHRRA.

Nipahayag pod og interes si Mirondo labot sa pag-develop sa klase sa kape na makita dinhi sa Negros Oriental.

“It’s interesting to know kung ano ang magiging lasa ng coffee dyan but at any point naman we can modify ang processing,” matod ni Mirondo.

Ang PIA ug NOHRRA parehas na miyembro sa NOTPB. (RAL/PIA7 Negros Oriental)